Home Motiviši se Kada je vrijeme za odmor?

Kada je vrijeme za odmor?

-

Vrijeme je za odmor. Koliko puta ovu rečenicu izgovorite sebi? Rijetko, pretpostavljam. Ubrzan životni tempo, more obaveza u kojima se manje ili više snalazite i trka sa ostalim životnim zadacima. A odmor? Može da pričeka.

Naravno, izuzetno je važno raditi, biti koristan i ispunjavati sve svoje obaveze na vrijeme. To je ono što se cijeni kod nas. Ono što nas pokreće i čini da se osjećamo korisno. Međutim treba znati postaviti granice i odmoriti kada osjetimo da je vrijeme za odmor. 

Vrijeme
Ja preduzetnik

Koje su posljedice umora?

Kao glavna posljedica ubrzanog načina života, navodi se  hronično stanje stresa iz čega dalje dolazi do smanjene produktivnosti. Samim tim, bolje je u trenucima kada osjećamo da smo iscrpljeni i kada nam naš organizam daje znakove da malo popustimo, odmoriti, nego se siliti na rad. Neproduktivan rad je isto kao i kada ne radimo. Zar nije bolja opcija napraviti pauzu, pa nastaviti još produktivnije tamo gdje smo stali?

Još jedna od posljedica umora je smanjena koncentracija. Ukoliko vidite da ne možete da se skoncentrišete ni na rješavanje nekih osnovnih zadataka, smanjena vam je pažnja i teže obavljate stvari, to je znak da vam je više nego bilo šta drugo potreban odmor.

Takođe, umor može da utiče na česte promjene raspoloženja,  što se više iscrpljujete to se više odražava kroz vaša raspoloženja, a samim tim postajete neugodno društvo, kako za vaše kolege tako i za sve ljude koji vas okružuju. Plus, promjene raspoloženja se takođe mogu odraziti na posao.

Zato, kada osjetite da ulažete više sebe nego inače. Da se iscrpljujete i da nemate život van posla. Presjecite i odlučno izgovorite vrijeme je za odmor. I odmorite.

Sve može da pričeka, osim zdravlja, a benefiti odmora kada nam organizam poruči da mu je potreban su mnogobrojni.  Kako za vas i vašu okolinu,tako i za vaše poslovne planove.

Savjet: odvojite u svakom danu određeno vrijeme za sebe. I u tom vremenu radite nešto što najviše volite i što vas najviše opušta. Neka to bude vrijeme za odmor u kojem ćete uživati i stvarno odmoriti i fizički i psihički.